Bordi i Transparencës ka publikuar sot vendimin e radhës për çmimet e tregtimit të karburanteve në vend, duke reflektuar një tjetër rritje të naftës në tregun vendas.
Sipas njoftimit zyrtar, çmimi i naftës është rritur duke u fiksuar në 206 lekë për litër në shitje me pakicë, ndërsa benzina do të tregtohet jo më shumë se 181 lekë për litër.
Çmimet e reja:
Në vendimin e datës 26 prill 2026, Bordi ka përcaktuar:
Nafta (gazoil, standardi SSH EN 590)
Shitja me pakicë: jo më shumë se 206 lekë/litër
Shitja me shumicë: jo më shumë se 194 lekë/litër
Benzina (standard SSH EN)
Shitja me pakicë: jo më shumë se 181 lekë/litër
Shitja me shumicë: jo më shumë se 169 lekë/litër
Çmimet e reja kanë hyrë në fuqi sot, në orën 14:00, dhe do të jenë të vlefshme deri në mbledhjen e radhës së Bordit, ku pritet të rishikohen sërish në varësi të lëvizjeve në tregjet ndërkombëtare.
Në praktikë, vendimet e Bordit vijojnë të përcaktojnë kufijtë maksimalë të tregtimit të karburanteve në vend, në një treg ku ndryshimet e çmimeve kanë ndikim të drejtpërdrejtë në koston e jetesës.
