Sipas Institutit të Gjeoshkencave, "reshje intensive të shiut priten sot pasdite (e shtunë, dt. 30) dhe nesër (e diel, dt. 31) në qarqet Lezhë, Durrës dhe Tiranë." Këto qarqe janë më të rrezikuarat për shkak të intensitetit të lartë të motit.
Në qarqet Shkodër, Dibër, Elbasan, Vlorë dhe Gjirokastër, reshjet do të jenë mesatare, por lokalisht intensive, ndërsa në Kukës dhe Fier priten reshje më të dobëta. Shtrëngatat që shoqërojnë reshjet mund të krijojnë vërshime në disa zona urbane, sidomos në ato me infrastrukturë kanalizimi të dobët.
Temperaturat:
Bregdeti: 19°C - 23°C
Vendet e ulëta: 18°C - 26°C
Vendet malore: 14°C - 24°C
Era do të jetë e lehtë deri mesatare, me momente të shkurtra të forta në bregdet dhe zonat malore.
Sa i përket zjarreve në pyje, sot (e shtunë, dt. 30) rreziku është "i ulët" në qarqet Kukës, Dibër, Elbasan, Korçë dhe Gjirokastër, ndërsa nesër (e diel, dt. 31), pritet "s'ka rrezik" në të gjithë territorin.
Kujdesi i qytetarëve dhe masa parandaluese janë të rëndësishme për t'u mbrojtur nga rreziqet që sjell ky mot i keq.
