Kryeqendra e veriut zhvilloi para tre ditësh “Maratonën e Shkodrës”, e cila mblodhi 300 pjesëmarrës që garuan të veshur me simbolikën "Free Palestine".
Në rrugët e mbushura me energji, frymë bashkimi dhe garë të shëndetshme, kjo ditë u shënua jo vetëm si një aktivitet sportiv, por edhe si një mesazh solidariteti me popullin e pafajshëm palestinez dhe kundër genocidit që po ndodh në Gaza.
Pjesë e kësaj ngjarjeje, jo vetëm si të ftuar, por edhe si simbol i suksesit të atletikës shqiptare, ishin kampionia Luiza Gega dhe sprinteri Franko Burraj.
