Organizatat më me zë të lirisë së medias – SafeJournalists Network (SJN), partnerët e Media Freedom Rapid Response (MFRR), Reporterët pa Kufij (RSF) – së bashku me 14 organizata të shoqërisë civile dhe mediave nga Shqipëria, i kanë dërguar një letër të hapur Kryetarit të Kuvendit, Niko Peleshit.
Letra paralajmëron se heqja e filmimeve të pavarura dhe kufizimi i kontakteve të gazetarëve me deputetët vetëm në një hapësirë të kontrolluar do të ishte një hap i rrezikshëm prapa për transparencën dhe llogaridhënien publike
Reagimi
Ne, rrjeti SafeJournalists, së bashku me partnerët e Media Freedom Rapid Response (MFRR), Reporterët pa Kufij (RSF) dhe organizatat për lirinë e medias në Shqipëri, iniciuam dhe dërguam një letër të hapur drejtuar Kryetarit të Parlamentit të Shqipërisë, Niko Peleshi.
Në letër, ne shprehim shqetësimet serioze lidhur me propozimet e shumicës parlamentare për të kufizuar qasjen e gazetarëve në Parlament. Ndryshimet e raportuara përfshijnë heqjen e filmimeve të pavarura në sallën plenare, duke i zëvendësuar ato me një transmetim zyrtar unik, si dhe kufizimin e ndërveprimeve të medias me deputetët vetëm në një zonë të përcaktuar “doorstep”.
Bëjmë thirrje se kufizime të tilla do të ulnin llogaridhënien, do t’i privonin qytetarët nga qasja e pavarur në informacion dhe do të përbënin një hap pas të madh për lirinë e shtypit. Ne theksojmë se Parlamenti mbetet një nga hapësirat e pakta ku gazetarët mund t’i drejtojnë pyetje drejtpërdrejt përfaqësuesve politikë, pasi zyrtarët qeveritarë dhe deputetët e shumicës rrallëherë mbajnë konferenca për shtyp ose marrin pjesë në debate të pavarura.
