Ish-kryeministri Fatos Nano ndodhet prej disa ditësh i shtruar në reanimacionin e një spitali privat në Tiranë pas një arresti kardiorespirator. Ai është hospitalizuar që prej datës 8 tetor dhe, sipas burimeve pranë spitalit, gjendja e tij shëndetësore mbetet e rëndë.
Të njëjtat burime bëjnë me dije se gjatë ditës së sotme Nano ka pësuar edhe një tjetër arrest kardiak, duke humbur përkohësisht koshiencën, ndërsa organet vitale vijojnë të funksionojnë.
Fatos Nano ka pasur probleme të vazhdueshme me mushkëritë dhe është trajtuar më herët për sëmundje pulmonare obstruktive kronike (SPOK). Edhe në vitin 2023, ai është shtruar në spital dhe ka kaluar disa ditë në intubim për shkak të përkeqësimit të gjendjes respiratore.
