Radhë të gjata vijojnë të krijohen gjatë gjithë ditës pranë farmacisë spitalore të QSUT-së, ku qytetarët tërheqin barna me rimbursim apo medikamente të domosdoshme për trajtimin e sëmundjeve të rënda, përfshirë kancerin.
Të moshuar, gra dhe fëmijë detyrohen të presin për një kohë të gjatë për të siguruar ilaçet e nevojshme, shpesh në kushte të vështira dhe pa hapësira të mjaftueshme për t’u ulur apo për t’u strehuar.
Situata mbetet problematike dhe tregon se shërbimi farmaceutik publik ende nuk arrin të përballojë fluksin e pacientëve që varen çdo ditë nga këto medikamente jetike.
