Mëngjesin e sotëm kanë mbërritur në portin e Durrësit, me traget nga Bari, trupat e katër anëtarëve të familjes Kola, të cilët humbën jetën në Itali si pasojë e helmimit nga monoksidi i karbonit në banesën e tyre në komunën e Porcarit.
Familjarë, të afërm dhe të njohur do t’i japin lamtumirën e fundit familjes Kola në fshatin Gryksh i Madh, vendlindjen e tyre. Të afërmit kanë pritur sot trupat për t’i përcjellë më pas drejt fshatit të tyre.
Qindra shqiptarë u bashkuan në një dhurim parash për të bërë të mundur ardhjen e trupave në Shqipëri.
Edhe pse kishin emigruar prej vitesh në Itali, ata kishin lidhur të ardhmen dhe ëndrrat me vendlindjen, aty ku edhe do të prehen përgjithmonë.
Familjarët më të afërt nëna e Arti Kolës dhe vëllai i tij e familjarë të tjerë do të presin ngushëllimet për vdekjen tragjike të 4 personave nga e njëjta familje.
