E Premte , 13 shkurt 2026
Dërgo denoncim anonim
English

EKSKLUZIVE

Më shumë
Sociale 13 Shkurt 2026, 10:17 Nga VNA

Humb kontrollin e mjetit dhe përplaset me barrierat e rrugës, ndërron jetë 23-vjeçarja

Ndaje në Whatsapp
Humb kontrollin e mjetit dhe përplaset me barrierat e rrugës,

Një aksident ka ndodhur gjatë natës në aksin rrugor “Vorë-Fushë-Prezë”. Mësohet se drejtuesja e automjetit ka humbur kontrollin mbi drejtimin e mjetit dhe për pasojë është përplasur me barrierat e rrugës. Si pasojë shtetësja E.E., 23-vjeç ka ndërruar jetë në spital.


Grupi hetimor vijon punën për zbardhjen e rrethanave të aksidentit.

Lexo gjithashtu

Video

Një person i armatosur me thikë ka tentuar të sulmojë një polic pranë Arc de Triomphe në Paris. Sipas kryetares së bashkisë së Parisit, policia ka reaguar menjëherë duke qëlluar me armë zjarri ndaj personit për të neutralizuar rrezikun. Ende nuk ka informacion të detajuar për gjendjen e të dyshuarit apo nëse ka persona të tjerë të lënduar. Zona është rrethuar nga forcat e sigurisë, ndërsa autoritetet kanë nisur hetimet për të zbardhur plotësisht ngjarjen.

Një tenor i ri rus ka kënduar arien e famshme “Nessun dorma” nga opera Turandot e Giacomo Puccini në sheshin përpara Duomo di Firenze, por performanca e tij përfundoi me gjobë. Nuk është hera e parë që këngëtari kapet duke performuar pa leje në sheshe historike ku ndalohen shfaqjet spontane. Këtë herë, ndërsa ai mori duartrokitje nga kalimtarët, patrulla e policisë bashkiake – që e gjobiti dhe i sekuestroi pajisjet e amplifikimit – u përball me fishkëllima nga publiku i improvizuar. Jo vetëm kaq: kur autoritetet i morën rreth 100 eurot që kishte fituar nga performanca, kalimtarët reaguan menjëherë duke ia kthyer shumën aty për aty. E gjithë skena u filmua rastësisht nga influenceri Diego Fusina, i cili ndodhej aty dhe e publikoi videon në rrjetet sociale. Siç pritej, pamjet u bënë virale brenda pak orësh.

Një përleshje e dhunshme shpërtheu gjatë një fluturimi të "Jet2" nga Turqia drejt Mançesterit, duke detyruar pilotin të kryejë një ulje emergjente në Bruksel. Konflikti nisi pas një mosmarrëveshjeje për një telefon mes pasagjerëve britanikë dhe u përshkallëzua shpejt në përleshje fizike në korridor të avionit. Dëshmitarët raportuan kaos në bord, përfshirë dhe gjak në sedilje e dhëmbë në dysheme. Sipas pasagjerëve, një nga personat e arrestuar kishte konsumuar shumë alkool dhe dyshohet se kishte bërë komente raciste para përplasjes. Pas uljes emergjente, policia arrestoi dy persona në bord, ndërsa fluturimi vijoi më pas drejt destinacionit të tij final. Piloti vlerësoi se incidenti ishte ndër më të dhunshmit që kishte përjetuar në 30 vite karrierë. Kompania ajrore e përshkroi sjelljen si “të papranueshme” dhe njoftoi se të përfshirët do të ndaloheshin përjetë nga fluturimet e saj.

Operatorët e TV sot, në shenjë proteste, ulën kamerat dhe nuk xhiruan eksponentët e PD që u paraqitën në gjykatë ku shqyrtohen masat e sigurisë për protestuesit e ndaluar. Reagimi vjen pasi gjatë të martës, një operator rrezikoi jetën duke marrë flakë gjatë hedhjes së molotovëve, teksa ishte duke xhiruar mbi makinën e News 24.

×
❮ ❯

Doni të informoheni të parët për lajme ekskluzive?

Bashkohuni me grupin tonë privat.

Kliko këtu

opinion

Opinionet e shprehura i përkasin autorëve dhe nuk përfaqësojnë qendrimin e redaksisë.

Histori të harruara

Më shumë lajme