Situata paraqitet alarmante në Gramsh, ku dy fronte të mëdha zjarri janë përhapur me shpejtësi, duke dalë jashtë kontrollit. Për shkak të rrezikut, Ministria e Mbrojtjes ka urdhëruar evakuimin e menjëhershëm të banorëve në fshatrat Kullollas, Bletëz dhe Menkollarë.
Në një thirrje urgjente, autoritetet u bëjnë apel banorëve të largohen menjëherë nga banesat e tyre dhe të bashkëpunojnë me forcat e terrenit për një evakuim të sigurt.
Ministri i Mbrojtjes, Pirro Vengu, dhe kreu i Emergjencave Civile, Haki Çako, janë nisur drejt zonës për të ndjekur nga afër operacionin e shuarjes së flakëve dhe evakuimit të popullsisë.
