Mëngjesin e kësaj të hëne, një godinë trekatëshe në ndërtim përgjatë aksit Vlorë–Radhimë u hodh në erë me 32 kg lëndë plasëse tip tritol, në një operacion të zhvilluar nga IKMT në bashkëpunim me policinë. Objekti, i ndërtuar në kundërshtim me lejen dhe rregullat e ndërtimit, u shemb në kulmin e sezonit turistik, duke tërhequr vëmendjen e pushuesve dhe banorëve të zonës.
Gjatë operacionit, policia, zjarrfikësit dhe punonjësit e IKMT bllokuan për rreth 30 minuta aksin rrugor Vlorë–Radhimë.
