Ambasada e Gjermanisë në Tiranë njoftoi se Gjermania do të mbështesë rreth 400 familje të prekura nga përmbytjet e javëve të fundit në Shqipëri, me një ndihmë financiare prej 250,000 paund.
Sipas njoftimit, këto fonde do të menaxhohen përmes OJQ-së World Vision UK dhe do të shkojnë për familjet në rajonet më të prekura, përfshirë Durrësin (Sukth, Katund i Ri, Kënetë, Rrashbull, Porto Romano, Shkozet dhe Nishtulla), duke mbështetur rreth 1,800 persona.
“Pas përmbytjeve të rënda të javëve të fundit, Fondi Start, i mbështetur nga Gjermania, vë në dispozicion në mënyrë të menjëhershme 250.000 £ për OJQ-në World Vision UK. Kjo do të mbështesë afërsisht 400 familje (rreth 1,800 persona) në rajonet më të prekura të Shqipërisë – duke përfshirë Durrësin (Sukth, Katund i Ri, Kënetë, Rrashbull, Porto Romano si dhe Shkozetin, Nishtullën).
Ambasada gjithashtu nënvizon rëndësinë e mbështetjes së sistemeve të paralajmërimit të hershëm, përmes projektit ALBAdapt të GIZ, që synon të parashikojë më mirë ngjarjet ekstreme të motit dhe të ndihmojë komunitetet të marrin masa parandaluese në të ardhmen.
“Pas përmbytjeve të rënda të javëve të fundit, Fondi Start, i mbështetur nga Gjermania, ofron këtë ndihmë emergjente për të përmirësuar situatën e familjeve më të prekura,” thuhet në njoftim.
