Kapela mortore e Giorgio Armani-t, mjeshtrit të padiskutueshëm të stilit italian, është hapur që në orën 9:00 të mëngjesit të sotëm në Teatrin Armani, në Via Bergognone 59, Milano. Megjithatë, që nga ora 7:00, qindra qytetarë kishin mbërritur për të qëndruar në radhë dhe për t’i bërë nderimet e fundit ikonës së modës. Kapela do të qëndrojë e hapur për vizitorët gjatë gjithë ditës së sotme dhe nesër, të dielën më 7 shtator, deri në orën 18:00. Atmosfera në Via Bergognone është mbushur me admirues, turistë dhe qytetarë që kanë ardhur për të nderuar “Mbretin George”. Për të lehtësuar hyrjen, janë krijuar dy radhë: njëra e rezervuar për punonjësit e Giorgio Armani-t dhe tjetra për publikun e gjerë.
Ndër figurat e para që kanë bërë homazhet sot ishin kryebashkiaku i Milanos, Beppe Sala, presidenti i Stellantis, John Elkann së bashku me bashkëshorten Lavinia, presidenti i Federatës Italiane të Basketbollit, Gianni Petrucci, si dhe trajneri i Olimpia Milano, Gianni Messina.
Milano, por edhe e gjithë bota, i thonë sot lamtumirën e fundit një prej ikonave më të mëdha të modës botërore.
