Flakët e zjarrit që nisën në territorin e Bashkisë Delvinë kanë përfshirë të gjithë malin e Sopotit dhe janë shtrirë tashmë në zonën e Bashkisë Gjirokastër. Zjarri, i nxitur nga erërat e forta dhe thatësira e ditëve të fundit, po paraqet rrezik të lartë për qytetin e Gjirokastrës dhe fshatin Lazarat.
Forcat zjarrfikëse të Gjirokastrës janë angazhuar në një operacion intensiv për shuarjen e flakëve, të mbështetura edhe nga banorë të Lazaratit, të cilët po marrin pjesë aktivisht në përpjekjet për ndalimin e përhapjes së zjarrit.
Situata mbetet kritike dhe çdo minutë është vendimtare, ndërsa autoritetet paralajmërojnë se përhapja e flakëve mund të vijojë nëse kushtet atmosferike nuk përmirësohen. Operacioni për shuarjen e zjarrit është ende në zhvillim.
