Një ngjarje e pabesueshme ka ndodhur në një shkollë në kryeqytet, ku mësuesi i teknologjisë (TIK) është zhdukur pa lënë asnjë gjurmë dhe pa asnjë komunikim.
Siç ka mësuar VNA, pasi e pritën disa ditë, stafi i shkollës pranë njësisë nr 4 në Tiranë, është vënë në lëvizje.
Por teksa nuk po lidheshin dot me të, duhet të hapnin sallën e laboratorit ku nxënësit bëjnë mësime të teknologjisë.
Ata nuk kishin as çelës dhe as kartë për të hapur, pasi ajo ishte zhdukur bashkë me mësuesin F. Ç.
Drejtoria e shkollës e ka hapur me forcë sallën dhe ka zbuluar se të gjithë laptopët, plor 26 të tillë, nuk ishin.
Meqë mësuesi ishte i vetmi që kishte edhe çelësin e derës, edhe kartën elektronike të hapjes së saj, dyshimet ranë mbi të.
Bashkë me zhdukjen, shkolla e ka denoncuar mësuesin edhe për vjedhje, fati i të cilit aktualisht ngelet i paqartë.
