Një ditë pasi riti çmimin, Bordi i Transparencës ka ulur sërish çmimin e karburanteve në vend ditën e sotme.
Sipas njoftimit, çmimi tavan i shitjes me pakicë për naftën është ulur në 209 lekë për litër, ndërsa benzina në 175 lekë për litër, duke reflektuar një tendencë korrigjuese pas luhatjeve të fundit në treg.
Vendimi, që hyn në fuqi menjëherë nga ora 16:00 e së shtunës, parashikon gjithashtu që çmimi me shumicë i gazoilit të jetë jo më shumë se 197 lekë për litër dhe ai i benzinës 163 lekë për litër.
Çmimet do të mbeten në fuqi deri në mbledhjen e radhës së Bordit.
