Trafiku ajror në Aeroportin Ndërkombëtar të Brukselit është pezulluar përkohësisht pas raportimeve për praninë e një droni në hapësirën ajrore të tij. Lajmin e bëjnë të ditur mediat belge. Mbyllja e trafikut ajror ndodhi pak pas orës 20:00.
“Pak para orës 20:00, një dron u raportua mbi territorin e aeroportit”, tha Kurt Verwilligen, zëdhënës i Skeyes.
“Për arsye sigurie, i gjithë trafiku ajror është pezulluar përkohësisht”, shtoi ai. Disa aeroplanë që udhëtonin për në Aeroportin e Brukselit (Zaventem) u detyruan të devijoheshin, duke u drejtuar veçanërisht drejt Aeroportit të Liège-it.
Autoritetet kanë konfirmuar se po merren të gjitha masat e nevojshme për të siguruar stabilitetin e hapësirës ajrore dhe për të kontrolluar situatën, ndërkohë që udhëtarët këshillohen të ndjekin njoftimet zyrtare të aeroportit për zhvillimet e mëtejshme.
