Delegacioni i BE-së në Shqipëri reagon për ndërprerjen e sinjalit të News24 dhe plaçkitjen e ambienteve të Focus Media News, duke theksuar se çdo mosmarrëveshje duhet të zgjidhet sipas ligjit dhe procedurave të rregullta.
Reagimi i plotë:
Ne po ndjekim nga afër situatën lidhur me Focus Media Group dhe mediat e saj.
Mosmarrëveshjet midis të gjitha palëve të përfshira duhet të zgjidhen duke respektuar plotësisht ligjshmërinë dhe procedurat e rregullta ligjore.
Në këtë kontekst, është e rëndësishme që çdo veprim i ndërmarrë të mos cenojë mundësinë e gazetarëve për të ushtruar lirinë e tyre në përcjelljen e informacionit dhe për të ruajtur konfidencialitetin e burimeve të tyre.
Këto janë aspekte thelbësore të lirisë dhe pluralizmit të medias, që janë kritike për garantimin e shtetit të së drejtës.
