Pas disa ditësh protestash, banorët e Rrjolit në Velipojë dolën sërish sot në rrugë për të kundërshtuar projektin e ndërtimit të një resorti luksoz në zonën e tyre.
Ata janë vendosur përpara Prokurorisë së Posaçme, duke kërkuar ndërhyrje për të ndaluar punimet. Sipas banorëve, në projekt janë përfshirë rreth 60 familje që kërkojnë pezullimin e çdo aktiviteti ndërtimi.
Banorët mbanin në duar parulla e pankarta me thirrjet: “Drejtësi, Drejtësi, drejtësi!”, “Besojmë te SPAK”, “Duam drejtësi”, “Kërkojmë pronat tona” dhe të tjera.
Banorët janë kundër ndërtimit të një resorti turistik në zonë, ku pretendojnë jo vetëm se kanë pronat e tyre, por edhe i dëmton. protestuesit shprehen se kanë besim vetëm te SPAK-u për zgjidhjen e problemit dhe apeluan që të hetojë.
