Autostrada Tiranë–Durrës do të ketë ndërprerje të pjesshme të qarkullimit gjatë ditës së sotme, 13 tetor, për shkak të nisjes së punimeve në kuadër të projektit “Emergjencë për riparimin e nënshtresave dhe shtresave asfaltike” në segmentin Vorë–Ura e Dajlanit.
Sipas Autoritetit Rrugor Shqiptar (ARRSH) dhe Ministrisë së Infrastrukturës, bllokimi do të bëhet vetëm në krahun e lëvizjes Vorë–Durrës, në këto segmente:
Vorë–Maminas
Maminas–Sukth
Sukth–Fllakë
Fllakë–Mbikalimi i Shkozetit
Mbikalimi i Shkozetit–Ura e Dajlanit
Punimet do të zgjasin nga 1 deri në 2 ditë për çdo segment. Për të shmangur trafikun dhe vonesat, ARRSH rekomandon përdorimin e rrugës alternative Vorë–Maminas–Katër Rrugët e Shijakut–Durrës. Pas përfundimit të ndërhyrjeve në krahun Vorë–Durrës, punimet do të vijojnë edhe në drejtimin e kundërt, Ura e Dajlanit–Vorë, duke ndjekur të njëjtën skemë segmentimi dhe kohëzgjatje.
