Me rastin e Javës së Madhe, Arqidioqeza Metropolitane e Tiranës dhe Durrësit fton të gjithë besimtarët të marrin pjesë në Udhën e Kryqit, një nga momentet më të thella dhe prekëse të jetës shpirtërore. Ngjarja do të zhvillohet në Sheshin “Nënë Tereza” në Tiranë, të premten e Madhe, më 3 prill, ora 20:30.
Organizatorët bëjnë thirrje që besimtarët të ecin së bashku pas Krishtit, duke medituar mbi mundimet e Tij, duke bashkuar dhimbjet e tyre me të Tijat dhe duke rigjetur shpresën që buron nga Kryqi.
Prania e pjesëmarrësve konsiderohet një dëshmi e besimit dhe një hap drejt bashkimit më të thellë me Zotin.
