Pas arritjes së armëpushimit mes SHBA dhe Iranit, Bordi i Transparencës është mbledhur dhe ka vendosur uljen e çmimit të naftës me 4 lekë, nga 224 lekë në 220 lekë. Ndërkoh Bordi nuk e ka parë të arsyeshme uljen e benzinës e cila do të vijojë të shitet me 181 lekë/litri.
Bordi i Transparencës në datë 8 Prill 2026, në mbledhjen e radhës vendosi:
Çmimi i shitjes me pakicë i nënproduktit gazoil i standardit SSH EN 590 të jetë jo më shumë se 220 lekë/litri, ndërsa i shitjes me shumicë jo më shumë se 208 lekë/litër.
Çmimi i shitjes me pakicë i nënproduktit benzinë e standardit SSH EN të jetë jo më shumë se 181 lekë/litri, ndërsa i shitjes me shumicë jo më shumë se 169 lekë/litër.
Çmimet e caktuara nga Bordi do të hynë në fuqi sot datë 8 ora 15.30 dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.
