Një aksident i rëndë rrugor ka ndodhur pak momente më parë në Rrugën e Kombit, në segmentin Milot–Rrëshen, pranë Urës së Zogut.
Sipas informacioneve paraprake, një mjet tip “Mini Cooper” dhe një “Volkswagen” janë përplasur frontalish me njëri-tjetrin, duke shkaktuar katër të plagosur.
Të dëmtuarit janë dërguar me urgjencë në spitalin e Rrëshenit, ku po marrin ndihmën e nevojshme mjekësore.
Në vendngjarje ndodhen forcat e policisë, të cilat po punojnë për sqarimin e rrethanave dhe shkaqeve të aksidentit, që për momentin mbeten të paqarta.
