Qeveria shqiptare parashikon zgjerim të administratës publike vitin e ardhshëm. Në projektbuxhetin e vitit 2026 janë planifikuar 87 mijë e 12 punonjës buxhetorë, përfshirë edhe 100 punonjës rezervë për institucionet e qeverisjes qendrore.
Në vitin aktual, administrata publike ka në total 86314 punonjës, përfshirë edhe 276 punonjës rezervë për institucionet e qeverisjes vendore. Por, krahasuar me vitin 2024, ku administrata kishte 85 mijë e 274 staf, me projektbuxhetin e 2026, janë shtuar 1 mijë e 838 punonjës të administratës shtetërore. Rritja, sipas projektbuxhetit, lidhet me nevojat për shërbime më efikase dhe mbulimin e disa sektorëve që kanë pasur mungesa personeli.
Por cilët janë institucionet me më shumë, më pak dhe aspak punonjës?
Sipas të dhënave të projektbuxhetit tre instutucionet që listojnë më shumë punonjës është Ministria e Arsimit me 30883 punonjës, Ministria e Punëve të Brendshme 15791 punonjës, ndërsa Ministria e Mbrojtjes ka gjithsej 9299 punonjës.
Ndërkohë, institucionet më me pak punonjës janë Këshilli Kombëtar i Kontabilitetit 6 punonjës, Komiteti Shtetëror i Kulteve 10 punonjës si dhe Qëndra Kombëtare e Kinematografisë 13 punonjës. Ndërsa tre nga institucionet që nuk kanë asnjë punonjës janë Agjencia Kombëtare e Rinisë, Agjencia e zhvillimit të Territorit si dhe Sekretariati Teknik i KEK./Scan/
