Massimiliano Allegri pritet të jetë trajneri i ri i klubit të Napolit, megjithatë nënshkrimi i kontratës dhe njoftimi zyrtar nuk janë ende finalizuar.
Pas largimit të Antonio Contes, klubi i Napolit ka arritur një akord paraprak me Allegrin, por procesi është vonuar për shkak të çështjeve kontraktuale që lidhen me klubin e Milanos.
Trajneri italian vazhdon të figurojë ende në listën e pagave të klubit të Milanos, me një kontratë që skadon në vitin 2027 dhe një pagë prej rreth 5.5 milionë euro neto në sezon.
Për t’u transferuar te klubi i Napolit, Allegri duhet të gjejë një marrëveshje të veçantë me pronarët e klubit të Milanos, RedBird Capital Partners, lidhur me diferencën e pagës dhe kushtet financiare të kontratës së tij.
Sipas raportimeve, klubi i Napolit nuk pritet të kalojë kufirin prej 5 milionë eurosh në pagë, çka e bën procesin më të ndërlikuar dhe mund të shtyjë finalizimin e marrëveshjes.
Ndërkohë, Allegri është kthyer në Milano pas një aktiviteti ku u nderua me një çmim, ndërsa “drita jeshile” përfundimtare pritet të vijë rreth datës 3 qershor, kur të mbyllen edhe detajet e fundit të akordit.
