Serie A ka shpallur fituesit e çmimeve individuale për sezonin aktual, edhe pse kampionati ende nuk ka përfunduar plotësisht dhe ka mbetur edhe një javë nga fundi.
Pas suksesit me Interin, trajneri Cristian Chivu është vlerësuar me çmimin “Trajneri i Sezonit”, pasi udhëhoqi zikaltërit drejt titullit kampion në Itali.
Në kategoritë individuale, portieri më i mirë i sezonit u shpall Mile Svilar i Romës.
Çmimi për mbrojtësin më të mirë iu dha Marco Palestrës të Cagliarit, ndërsa mesfushori më i mirë u zgjodh Nico Paz i Comos.
Në repartin ofensiv, sulmuesi më i mirë i sezonit u shpall kapiteni i Interit, Lautaro Martínez.
Ndërkohë, çmimi më prestigjioz, ai i futbollistit më të mirë të sezonit i shkoi yllit të Interit, Federico Dimarco.
