Milani është drejt një revolucioni të madh pas sezonit zhgënjyes, në dyshim e ardhmja e Furlanit, Moncadas, Allegrit dhe Tares
Sipas raportimeve që po qarkullojnë në mediat sportive, Milani mund të përballet me një revolucion të thellë në strukturat drejtuese pas një sezoni zhgënjyes që e ka lënë klubin jashtë zonës së Ligës së Kampionëve.
Bëhet e ditur se CEO i klubit, Giorgio Furlani, shefi i skautimit Geoffrey Moncada, trajneri Massimiliano Allegri si dhe drejtori sportiv Igli Tare janë mes emrave që mund të largohen nga “San Siro” në muajt e ardhshëm, në kuadër të një ristrukturimi të mundshëm të projektit sportiv.
Megjithatë, deri më tani nuk ka asnjë konfirmim zyrtar nga klubi kuqezi për këto lëvizje të mundshme. Gjithçka mbetet në nivel raportimesh mediatike, ndërsa drejtuesit e Milanit po analizojnë situatën dhe hapat e ardhshëm pas dështimit për të arritur objektivat kryesorë të sezonit.
Sipas të njëjtave burime, në klub po diskutohet një rishikim i plotë i projektit sportiv, me synimin për të rikthyer Milanin në nivelet më të larta të futbollit evropian.
