Premierliga angleze do të jetë kampionati më i përfaqësuar në garat evropiane për sezonin e ardhshëm, me plot 9 skuadra që sigurojnë pjesëmarrje në kompeticionet e UEFA-s, një rekord që konfirmon edhe një herë dominimin e futbollit anglez në arenën ndërkombëtare.
Sipas listës së kualifikimeve, 5 ekipe nga Anglia do të jenë në Champions League: Arsenal, Manchester City, Manchester United, Liverpool dhe Aston Villa, kjo e fundit si fituese e Europa League.
Në Europa League do të marrin pjesë tre skuadra të tjera angleze: Bournemouth, Sunderland dhe Crystal Palace, që synojnë të vazhdojnë trendin pozitiv të klubeve angleze në kompeticionet evropiane.
Ndërkohë, Brighton & Hove Albion do të garojë në fazën play-off të Conference League, duke synuar të sigurojë një vend në fazën e grupeve.
Ky përfaqësim i gjerë i Premierligës vjen si rezultat i sezonit të suksesshëm të klubeve angleze në Evropë, ku performancat e tyre kanë ndikuar drejtpërdrejt në rritjen e koeficientit të kampionatit. Tashmë mbetet për t’u parë nëse kjo dominancë do të përkthehet edhe në trofe në sezonin e ardhshëm kontinental, ku pritshmëritë për klubet angleze janë më të larta se kurrë.
