Komisioni Qendror i Zgjedhjeve në Kosovë ka publikuar përditësimin e fundit të rezultateve paraprake të zgjedhjeve parlamentare, teksa procesi i numërimit po shkon drejt përmbylljes. Sipas të dhënave zyrtare, deri në orën 21:34 janë numëruar 2,369 nga 2,557 vendvotime, ose 92.65% e totalit.
Nga rezultatet e deritanishme, Lëvizja Vetëvendosje! kryeson me 50.08% të votave, ose 408,542 vota, duke ruajtur shumicën relative në rang kombëtar.
Në vendin e dytë renditet Partia Demokratike e Kosovës (PDK) me 20.98% të votave, ose 171,111 vota, ndërsa pas saj vjen Lidhja Demokratike e Kosovës (LDK) me 13.89%, që përkthehet në 113,270 vota.
Aleanca për Ardhmërinë e Kosovës (AAK) ka siguruar deri tani 5.86% të votave, ose 47,837 vota. Srpska Lista rezulton me 3.58%, ose 29,207 vota, ndërsa Nisma Socialdemokrate mbyll listën e subjekteve kryesore me 1.65% të votave, ose 13,478 vota.
KQZ thekson se rezultatet mbeten paraprake dhe mund të pësojnë ndryshime të lehta deri në përfundimin e plotë të numërimit.
