Departamenti i Thesarit i Shteteve të Bashkuara të Amerikës mori vendim për heqjen e sanksioneve për ish-presidentin e Republika Srpska Milorad Dodik dhe disa persona nga Republika Srpska.
Sanksionet u hoqën kundër Milorad Dodik, Zheljka Cvijanoviq, Radovan Višković, Nenad Stevandić, Siniša Karan, Petar Đokić, Staša Kosharac, Srebrenka Golić, Žerard Selman, Rajko Kuz, si dhe zyrtarë të tjerë të lartë të RS.
U hoqën gjithashtu anëtarët e familjes Dodik, Igor dhe Gorica, si dhe disa biznesmenë të lidhur me rrethin familjar dhe politik të Dodikut: Gjorgje Gjuriq, Vlatko Vukotiq, Aleksandar Dobriq, Mirko Dobriq, Milenko Çiqiq, Marko Gujaniçiq dhe Dalibor Paniq.
Sipas mediave serbe heqja e sanksioneve vjen si rezultat i marrëveshjes midis SHBA-së dhe Dodikut që, pas vendimit përfundimtar, Dodik duhet të largohet nga posti i presidentit të RS-së dhe të emërojë një president të përkohshëm.
Pasi u zgjodh Ana Trišić-Babić dhe u përmbush ajo pjesë e marrëveshjes, SHBA ka nisur heqjen gradualisht të sanksioneve ndaj bashkëpunëtorëve të tjerë të Dodikut, të cilat duhet të përfundojnë deri në fund të këtij muaji.
