Sot në Prishtinë po zhvillohet seanca e shqyrtimit gjyqësor ndaj Naim Murselit, Granit Plavës dhe Kushtrim Kokallës, të akuzuar për vrasjen e Liridona Ademajt, ngjarje që ndodhi dy vite më parë.
Gjatë seancës, i pandehuri Naim Murseli ka deklaruar se nuk ka pasur asnjë marrëveshje për të vrarë bashkëshorten e tij. Ai ka thënë se nuk ka pasur asnjë marrëveshje për vrasjen e bashkëshortes së tij dhe se nuk ka qenë në makinë kur është ekzekutuar.
“Nuk kishte asnjë marrëveshje për të vrarë Liridonën. Ju betohem në dy fëmijët e mi që nuk kam qenë në makinë kur është vra Liridona, as unë as fëmijët, kam qenë së paku 20 metra larg.”
Murseli gjithashtu është shprehur se ka pasur marrëdhenie të mira me Liridonën.
“Me Liridonën jemi martuar më 11 dhjetor 2011 dhe kemi dy fëmijë. Marrëdhënia ime me të ka qenë shumë e mirë dhe e lumtur. Liridona ka qenë një grua e mrekullueshme, një nënë e përkushtuar dhe një bashkëshorte e devotshme.”
Dy nga të akuzuarit kishin pretenduar çrregullime mendore, por Instituti i Psikiatrisë Forenzike ka konstatuar se asnjëri nuk ka pasur problematika të tilla gjatë kohës së kryerjes së veprës penale.
Seanca vijon, ndërsa gjykata pritet të shqyrtojë provat dhe dëshmitë për të vendosur mbi akuzat ndaj tre të pandehurve.
