Misioni i KFOR-it, i udhëhequr nga NATO, po vazhdon vendosjen e shenjave paralajmëruese në zonat malore dhe pyjore përgjatë kufirit të Kosovës. Qëllimi është të shënohet qartë zona e operimeve të KFOR-it dhe të minimizohet rreziku i kalimeve aksidentale.
Përmes një njoftimi, KFOR thekson se do të vijojë angazhimin për krijimin e një ambienti të sigurt për të gjithë qytetarët, përfshirë patrullimet e rregullta në veri dhe përgjatë kufirit.
KFOR-i zbaton mandatin e vet në bashkëpunim me Policinë e Kosovës dhe EULEX, duke garantuar siguri dhe liri lëvizjeje në të gjithë territorin.
