Komandanti i misionit të KFOR-it, të udhëhequr nga NATO, Gjeneralmajor Enrico Barduani, dhe Shefi i Zyrës së Bashkimit Evropian në Kosovë, njëherësh përfaqësues special i BE-së, Aivo Orav, kanë nënshkruar një memorandum mirëkuptimi që përcakton mënyrat e bashkëpunimit në rastet e zhvendosjes apo evakuimit gjatë situatave kritike.
Sipas njoftimit të KFOR-it, ky memorandum (MoU) synon të zyrtarizojë procedurat e bashkërendimit mes KFOR-it dhe EUOK-ut (Misionit të BE-së për Sundimin e Ligjit në Kosovë), duke forcuar besimin e ndërsjellë, qartësuar rolet dhe rritur efektivitetin operacional në kuadër të mandateve të tyre përkatëse.
Ky hap vlerësohet si dëshmi e angazhimit të përbashkët mes aktorëve ushtarakë dhe civilë për të vepruar në mënyrë të koordinuar dhe proaktive, duke kontribuar në forcimin e gatishmërisë, stabilitetit dhe sigurisë në terren, veçanërisht në rrethana sfiduese.
