Një incident i rëndë ndodhi pasditen e sotme në Greqi, ku një traget u përmbys vetëm 10 minuta pas nisjes nga porti.
Anija, e cila operonte në linjën Nea Stira – Agia Marina, transportonte 105 pasagjerë dhe 9 anëtarë ekuipazhi.
Menjëherë pas ngjarjes, tre anije të Rojës Bregdetare, një tjetër anije pasagjerësh dhe disa mjete private u përfshinë në operacionin e shpëtimit. Fatmirësisht, të gjithë pasagjerët dhe ekuipazhi u nxorën nga uji në gjendje të mirë shëndetësore.
Autoritetet detare kanë nisur hetimet për të zbuluar shkaqet e incidentit dhe për të siguruar sigurinë e udhëtimeve në këtë itinerar.
