Mekanizmi i Hagës ka refuzuar kërkesën e mbrojtjes për lirimin e ish-komandantit të Ushtrisë së Republikës Serbe të Bosnje-Hercegovinës, Ratko Mladic, i cili kërkonte që të transferohej në Serbi për trajtim mjekësor për shkak të gjendjes së tij të rënduar shëndetësore.
Sipas deklarimeve të djalit të tij, Darko Mladic, Mekanizmi ka argumentuar se Mladic po merr kujdesin e nevojshëm mjekësor dhe se ka në dispozicion mjekët më të mirë të mundshëm në institucionin ku ndodhet.
Mediat raportojnë se më 10 prill, Mladic ka pësuar një goditje në tru, ndërsa gjendja e tij shëndetësore është përkeqësuar më tej, pasi ai vuan nga probleme të rënda neurologjike, kardiovaskulare dhe nefrologjike. Më 2 maj ai është transferuar nga njësia e paraburgimit në një spital civil në Hagë, pas dyshimeve për një tjetër goditje në tru.
Që prej vitit 2024, ai ndodhet në spitalin e paraburgimit në Hagë. Mekanizmi i Hagës ka refuzuar disa herë kërkesat për lirimin e tij të përkohshëm për trajtim në Serbi.
International Residual Mechanism for Criminal Tribunals e ka dënuar më 8 qershor 2021 me burgim të përjetshëm Ratko Mladić, duke e shpallur fajtor për gjenocid në Srebrenicë, krime kundër njerëzimit dhe shkelje të ligjeve të luftës në Bosnje dhe Hercegovinë.
