Bahamas bëhen shteti i 121-të që ka njohur Kosovën. Përmes një postimi në rrjetet sociale, presidentja Vjosa Osmani shkruan se sapo kanë nënshkruar marrëveshjen për njohje reciproke dhe vendosje të marrëdhënieve diplomatike.
Po ashtu, në postimin e Osmanit bëhet e ditur se të dyja shtetet kanë riafirmuar përkushtimin e tyre ndaj qëllimeve dhe parimeve të Kartës së Kombeve të Bashkuara, përfshirë respektimin e sovranitetit, barazisë së shteteve dhe zgjidhjen paqësore të mosmarrëveshjeve.
