Mbledhja e Këshillit të Përgjithshëm të AAK ka vendosur që Ardian Gjini të jetë kryesuesi i listës së kësaj force politike për zgjedhjet e 7 qershorit. Gjini i cili është aktualisht kryetar i komunës së Gjakovës do të prijë listën e partisë së Ramush Haradinajt. Emri i Ardian Gjinit u miratua me shumicë votash nga këshilli i AAK-së.
Në fjalën e tij në asamble Ramush Haradinaj u shpreh:
‘Kjo listë reflekton unitetin e Aleancës, duke gërshetuar përvojën politike me prurjet e reja profesionale, me synimin e vetëm, shërbimin ndaj qytetarëve dhe forcimin e shtetit të Kosovës. Pikë tjetër e rëndësishme ishte aprovimi i ndryshimeve statutare, të cilat do ta bëjnë Aleancën një organizatë edhe më dinamike, transparente dhe të hapur për proceset demokratike brenda saj. Këto ndryshime i paraprijnë Kuvendit Zgjedhor të Aleancës që do të mbahet më 24 maj, për të cilin u konfirmua se përgatitjet finale kanë përfunduar me sukses’, ka deklaruar Haradinaj.
