Një aksident i rëndë trafiku ka ndodhur në Luksemburg, ku për pasojë kanë humbur jetën tre të rinj shqiptarë nga Kosova. Viktimat janë identifikuar si Edonik Kastrati, 19 vjeç, nga Peja, si dhe vëllezërit Ujkan dhe Ukë Bajraktaraj nga Isniqi i Deçanit.
Sipas raportimeve nga mediat lokale, aksidenti ka ndodhur teksa të rinjtë po udhëtonin drejt qytetit për të festuar ditëlindjen e 24-të të Ukë Bajraktarajt. Gjatë rrugës, automjeti i tyre është përplasur me një kamion, dhe menjëherë pas përplasjes makina është përfshirë nga flakët.
Një i afërm i viktimave ka deklaruar për mediat se përplasja ka qenë fatale, duke mos lënë mundësi për shpëtim. Ngjarja ka tronditur komunitetin shqiptar në Luksemburg dhe më gjerë, ndërsa familjet e të ndjerëve janë në zi të thellë.
