Ndërkohë që PS ka kandidaten për zgjedhjet e ardhshme të Bashkisë Tiranë, kreu i PD ende nuk ka dalë me një emër, por deklaron se “kandidatët janë të pakrahasueshëm përballë Manastirliut”.
"Kandidatët nuk mund të jenë gjë tjetër veçse emrat. Të siguroj se PD ka kandidatë të pakrahasueshme me korbën e covid-it, përgjegjëse direkte për vjedhjet dhe fondet e politikat që kanë ndodhur. Ka disa kandidatura, jo një.”
Siç duket, edhe këto zgjedhje Berisha i ka të rëndësishëm aleatët opozitar, të cilëve u siguroi një vend të sigurt në parlament edhe pse dhan një kontribut minimal.
"Së pari, PD do bëjë përpjekje për të hyrë me koalicion në zgjedhjet për Bashkinë e Tiranës,” u shpreh Berisha.
Ai shtoi se pas konsultimeve me aleatët, do të prezantohet edhe kandidati për bashkinë.
Berisha u shpreh se protesta do të jetë forma kryesore e veprimit të opozitës në ditët në vijim: “Ju garantoj se protesta, dhe vetëm protesta, është rruga e vetme që ka opozita për t’i imponuar këtij narkoregjimi ligjin dhe kushtetutën”
Berisha foli dhe për kërkesën e Erion Veliajt për të qenë i pranishëm në mbledhjen e Këshillit Bashkiak: “Rama duhet ta lejojë Veliajn që të flasë dhe mos të ketë frikë nga ky i fundit”.
