Fondi për organizimin e zgjedhjeve të pjesshme në pesë bashkitë do të arrijë në 1.6 milionë euro, njoftoi sot kreu i Komisionit Qendror të Zgjedhjeve, Ilirjan Celibashi. Ky fond do të shfrytëzohet për të siguruar mbarëvajtjen e procesit zgjedhor në bashkitë ku do të mbahet gara.
Zgjedhjet e pjesshme do të zhvillohen në bashkitë e Vlorës, Tepelenës, Matit, Cerrikut dhe Beratit. Ndërsa bashkia Tiranë është ende në pritje pas vendimit të Gjykatës Kushtetuese e cila rrëzoi dekretin e presidentit, Bajram Begaj.
