Kreu i Komisionit Qendror të Zgjedhjeve, Ilirjan Celibashi, ka dhënë informacion lidhur me zgjedhjet e pjesshme që do të mbahen në 6 bashki të Tiranës, të cilat janë caktuar me dekret nga Presidenti Bajram Begaj më 9 nëntor.
Ai bëri me dije se, sipas përllogaritjeve aktuale, kostot e këtyre zgjedhjeve do të arrijnë rreth 306 milionë lekë.
Celibashi shtoi se do të hapen gjithsej 22 Komisione Zonale të Administrimit të Zgjedhjeve (KZAZ) dhe 1428 qendra votimi.
Gjithashtu, ai përmendi mundësinë e përdorimit të votimit dhe numërimit elektronik në njësinë 10 të kryeqytetit, megjithatë, kjo nuk është vendosur ende përfundimisht.
I pyetur për dekretimin e datës së zgjedhjeve edhe pas ankimimit të Erion Veliaj në Gjykatës Kushtetuese për vendimin e shkarkimit të tij nga detyra, Celibashki u shpreh se KQZ ka detyrë të përgatisë procesin zgjedhor dhe jo të vërë në diskutim vendimmarrjen e presidentit apo çdo institucioni tjetër.
