Kryeministri, Edi Rama, ka reaguar në lidhje me situatën e krijuar në Vlorë, ku qyteti ka katër ditë pa ujë të pijshëm. Në një postim në faebook, Rama lajmëron se pjesët e reja hidraulike për tubin e çarë janë nisur nga Stambolli dhe do të mbërrijnë sot.
Ndërsa fajin për këtë situatë e gjen tek opozita, pasi sipas tij në kohën kur ishte në qeveri para 15 vitesh, në vitin 2009 ka instaluar pjesë hidraulike jashtë standarteve.
“Drejt aeroportit të Stambollit për të ardhur sot brenda ditës, pjesët e reja hidraulike për riparimin e difektit të rëndë në ujësjellësin e Vlorës, ku në vitin 2009-2010 janë instaluar pjesë hidraulike jashtë standarteve, që nuk e kanë mbajtur dot më presionin e ujit dhe për pasojë tubacioni ka shpërthyer”, shkruan Rama.
Kryemnistri më tej falënderon edhe punonjësit e Ujësjellësit që sipas tij bëjnë një punë të palodhur për të rregulluar problemin.
Dhe për të justifikuar këtë situatë skandaloze për të cilën fajin e sheh te kundërshtarët edhe pas 4 mandateve në qeveri, Rama e mbyll postimin me shprehjen e radhës nga gjyshja e tij, se “plasi më në fund edhe syri i keq pas tërë këtyre viteve të mira për Vlorën”.
Nuk dihet për cilat vite të mira e ka fjalën kryeministri, se vetëm pak muaj më parë e “vetëshkarkoi” me ceremoni kryetarin e Bashkise Ermal Dredhën, por Vlora gjatë viteve të fundit problemin me ujin e ka pasur edhe në diell edhe në shi. Në diell për mungesë e ujit dhe në shi kur përmbytej.
