Ish-kryebashkiaku i Durrësit Vangjush Dako dhe tre të dënuarit e tjerë i janë drejtuar me rekurs Gjykatës së Lartë. Ata pretendojnë për pafajësi, ndërsa dosja do të shqyrtohet nga një kolegj penal me relator Gent Shalën. Vangjush Dako u cilësua fajtor për akuzën e shpërdorimit të detyrës dhe u dënua me 4 vjet burg. Në aplikim të gjykimit të shkurtuar u reduktua në 2 vjet e 8 muaj heqje lirie. Po ashtu, u caktua dhe dënimi plotësues për heqjen e të drejtës për të ushtruar funksione publike për një periudhë prej 5 vitesh.
Fajtorë u cilësuan dhe të pandehurit e tjerë Ardian Bulku, Fatmir Ejupi dhe Fiqiri Farruku.
Ata u dënuan për paligjshmëritë në procedurën e dhënies së lejes së ndërtimit të një pallati shumëkatësh si dhe për shpërdorim të fondeve publike në ndërtimin e një shëtitoreje në bregdet.
