Një qytetar ka ndërhyrë gjatë takimit të kryeministrit Edi Rama në Divjakë, duke ngritur shqetësime për situatën e fermerëve, të cilët i cilësoi si shtresa më e pambrojtur e shoqërisë.
Ndërhyrja e tij solli reagimin e kryeministrit, i cili kërkoi që qytetari të ulej dhe të respektonte radhën e fjalës, duke theksuar se takimi kishte rregulla dhe se nuk mund të flisnin disa persona njëkohësisht.
Rama: Nga e kupton këtë ti?
Fermeri: Një minutë, jam fermer!
Tentojnë që të mos flasë.
Fermeri: Disponoj deri në 20 Ha tokë. Jemi shtresa më e pambrojtur! Nuk po bëj politikë, por kam familje.
Rama: Unë politikë bëj, se mohoj. Të lutem, te lutem!
Fermeri: Kam respekt, por ne e marrim mallin….
Rama: Mua njeri nuk më imponohet me forcë. Ti nuk do e marrësh fjalën se do ti. Ulu, ulu, ulu! Uaa. Sepse ka radhë dhe edukatë. Nuk merret fjala me zor
Do mbaj familjen, nuk mbahet me fjalë. Jemi në hall
Rama: ka 500 veta këtu. Sikur të çoheshin të gjithë në të njëjtën kohë, do të bëhej këtu…Unë s’të dëgjoj dot se do iki. Por ajo që the është e pamundur. Nuk ekziston në një ekonomik të hapur mbyllja e kufijve të produkteve se do ti. Edhe një herë tjetër, edhe përpara se të marrësh përsipër që të akuzosh se ky kështu apo ashtu…
Kryeministri Edi Rama zhvilloi sot një takim me fermerët në kuadër të prezantimit të Skemës Kombëtare 2026, ku theksoi se sektori i bujqësisë pritet të përfitojë më shumë fonde nga Bashkimi Europian.
Gjatë fjalës së tij, Rama deklaroi se buxheti i shtetit për bujqësinë mund të arrijë deri në 1 miliard euro, nëse do të jetë e nevojshme, duke nënvizuar rëndësinë strategjike të këtij sektori për ekonominë e vendit. Ai bëri të ditur se aktualisht janë vënë në dispozicion 250 milionë euro për bujqësinë, ndërsa u bëri thirrje fermerëve që t’i shfrytëzojnë këto fonde dhe të aplikojnë për kredi përmes sistemit bankar. Kryeministri kërkoi gjithashtu angazhim më të madh nga pushteti vendor, duke i porositur kryetarët e bashkive që të jenë më aktivë dhe të bashkëpunojnë ngushtë me fermerët dhe bujqit në zbatimin e skemave mbështetëse.
