Pedagogu Ermal Hasimja ka reaguar paslajmit se emri i tij është lakuar nga opozita për të qenë kandidat për kryetar bashkie të Tiranës. Me anë të një postimi në facebook, Hasimja shprehet se ndihet i vlerësuar që emri i tij është në listën e kandidatëve por do të mendohet pasi të marrë një propozim konkret, duke lënë të kuohet se deri më tani ende nuk ka diskutuar me asnjë nga partitë opozitare.
“Ndihem padyshim i vlerësuar që emri im është propozuar në listën e kandidatëve potencialë të opozitës për Tiranën dhe falenderoj ata që e kanë propozuar apo mbështetur idenë. Kur të marr (nëse marr) një propozim zyrtar do të mund të mendohem dhe të marr një vendim.
Më vjen mirë gjithashtu që dy emrat e tjerë në listë, Florian Hackaj dhe Edlira Cepani janë njerëz qe i vlerësoj maksimalisht dhe që do te ishin kandidatë të shkëlqyer për opozitën”, shkruan Hasimja.
Pedagodu është një nga emrat që është propozuar nga partia Mundësia e Agron Shehajt gjatë takimit të sotëm me grupin e punës të PD që përbëhet nga Belind Këlliçi, Ilir Alimehmeti dhe Flamur Noka.
