Deputetët demokratë Gazment Bardhi dhe Fidel Kreka janë ndëshkuar me përjashtim 10-ditor nga seancat plenare, si pasojë e sjelljes së tyre gjatë seancës së djeshme parlamentare. Të dy u përfshinë në një incident ku hodhën Kushtetutën dhe shishe me ujë në drejtim të kryeministrit Edi Rama dhe disa ministrave.
Vendimi u mor nga Sekretariati i Etikës, me kërkesë të Partisë Socialiste, pasi seanca u shoqërua me tensione dhe ndërprerje, duke zgjatur vetëm 25 minuta. Gjatë kësaj kohe, megjithatë, u miratua programi i ri qeverisës si dhe emrat e ministrave të kabinetit.
