Kryeministri Edi Rama vuri sot në qendër të fjalës së tij në Kuvend projektin “AI 4” dhe anëtaren më të re të kabinetit, Diellën, të cilën e cilësoi vendimtare për përshpejtimin e procesit të anëtarësimit të Shqipërisë në BE dhe për pozicionimin e vendit si qendër teknologjike. Rama u shpreh se Diella do të ketë status zyrtar dhe se akseleratori “AI 4” do të mbledhë talentet shqiptare brenda e jashtë vendit, si edhe ekspertë të huaj.
Seanca u shoqërua me tensione, pasi opozita protestoi kundër dhënies së fjalës Diellës, duke shkaktuar zhurmë në sallë. Në debat ndërhynë ministri Niko Peleshi dhe vetë Rama, ndërsa deputetit Klevis Balliu iu hoq e drejta e fjalës për gjithë ditën, pas shkeljes së përsëritur të rregullores.
Pas 5 minutave pushim, opozita sërish vazhdoi me protestën duke bllokuar foltoren. Kjo bëri që kryetari i Kuvendit, Niko Peleshi të kalonte direkt në votim programin e qeverisë duke e mbyllur seancën pa debatet e parashikuara.
