Kryetarja e Kuvendit, Elisa Spiropali, në Ditën e Shën Terezës u shfaq sot tek Instituti i të Miturve dhe të Rinjve në Kavajë. Dhe siç e do tashmë zakoni, nuk mungoi as prononcimi para kamerave për të thënë disa fjalë të bukura.
Ndonëse Spiropali në video shfaqet e vetme pa prani mediash duke shprehur urimin me gjasë para kamerës të një telefoni, zyra e shtypit e Kuvendit në grupin e gazetarëve e shet si prononcim për mediat.
Nëse do ishte prononcim për mediat, më së paku do të duhej të ishin njoftuar mediat dhe aty të kishte gazetarë me mikrofona.
Megjithatë në fund të fundit, "Rilindja" na ka mësuar prej kohësh se propaganda nuk ka më nevojë për gazetarë, mjafton një telefon, një kameraman dhe një zyrë shtypi që e shet çdo selfie si konferencë për shtyp.
