Automjeti Range Rover me targa G444A, në pronësi të biznesmenit Ergys Agasi, është sekuestruar në cilësinë e provës materiale nga SPAK, në kuadër të hetimit që po kryhet lidhur me grupin kriminal që ai drejton dhe që zhvat tendera në Agjencinë Kombëtare të Shoqërisë së Informacionit.
Automjeti, që shfaqet në një video duke ndjekur eskortën e kryeministrit, është dërguar në ruajtje në Agjencinë e Administrimit të Pasurive të Sekuestruara dhe Konfiskuara.
Agasi, bashkë me Ermal Beqirin, vijojnë të jenë në kërkim. Grupi akuzohet se mori peng biznesmenin Gerond Meve dhe e detyroi të hiqte dorë nga tenderat në AKSHI.
