Për kryetarin e Partisë Demokratike, Sali Berisha, skandali i AKSHI-t duket se është vepër vetëm e biznesmenit Ergys Agasi dhe jo e drejtoreshës së institucionit, Mirlinda Karçanaj, dhe biznesmenit tjetër, Ermal Beqiri.
Në prononcimin për mediat jashtë Kuvendit, Berisha foli për hetimet në Agjencinë Kombëtare të Shoqërisë së Informacionit, duke përsëritur akuzat ndaj Ergys Agasit, ndërsa nuk tha asnjë fjalë për Karçanajn dhe Beqirin, të cilët janë po aq fajtorë në këtë aferë.
“Beteja jonë është për ligjin, Kushtetutën, shtetin ligjor. Motoja e tyre është vidh dhe ik. Ergys Agasi është njeriu më intim i Edi Ramës, terrorist me dy pengmarrje, dhe jeton i qetë, bile me mbrojtje shtetërore”, tha Berisha.
Nuk dihet arsyeja se pse kreu i PD-së kursehet vetëm te akuzat ndaj Agasit, por skandalet e AKSHI-t nuk mund të bëheshin pa nisur nga drejtoresha, Mirlinda Karçanaj, që sot mësoi edhe masën e sigurisë në GJKKO, dhe biznesmeni tjetër që është në kërkim, Ermal Beqiri.
