Kuvendi i Shqipërisë ka miratuar me 79 vota pro dhe 1 abstenim rezolutën për shpalljen e Iranit “shtet financues të terrorizmit”. Rezoluta u fut në rendin e ditës pas mbledhjes së Konferencës së Kryetarëve dhe ishte paralajmëruar më herët nga kryeministri Edi Rama.
Në dokument i kërkohet qeverisë shqiptare që, menjëherë pas miratimit, të ndërmarrë hapa për të shpallur organizata terroriste Hezbollahu dhe Pasdaranët.
Ndërsa socialistët e cilësuan rezolutën si një “nevojë urgjente”, opozita, e udhëhequr nga Partia Demokratike, bojkotoi seancën parlamentare.
Megjithatë, në sallë ishin të pranishëm deputeti Erald Kapri nga Partia Mundësia dhe Redi Muçi nga Partia Bashkë. Kapri votoi pro rezolutës.
Gjatë votimit mungonin kryeministri Edi Rama dhe Belinda Balluku. Ndërkohë, ndryshe nga seanca e fundit ku votohej për Belinda Ballukun, në Kuvend nuk zgjodhën të merrnin më mungesë Elisa Spiropali dhe Fatmir Xhafaj
